સાબિતી

આવે નહી સાગરમાં, ભરતી સાવ અમસ્તી,
જરૂર તમારી, કોઈક કિનારે તો હાજરી હશે.

કહી કહીને થાક્યો, કે નથી પીતો હું શરાબ,
કદાચ નજરના નશાની અસર આવી હશે,

ન કોઈ ગમ મૃગજળની પાછળ દોડવાનો,
જીવવા માટે, એક આભાસ પણ જરૂરી હશે.

બનાવે કોઈ યાદી, દૂનીયાભરના દિવાનાની,
તો યાદીમાં, અમારું નામ સહુંથી પહેલું હશે.

ન કહો કે, કાંઈ નથી મેળવ્યું ચાહતમાં અમે,
મારી એકલતા, તારી ચાહતની નિશાની હશે.

ન આવી કોઈ કામ, મારી આ દુઆ કે યાચના,
કદાચ તારા ખૂદા હોવાની આ સાબિતી હશે.