બેવફાઈ

બેવફા મને ન કહો, બેવફા અમે નહી આ દિલ રહ્યું,
મારું હતુ પણ તે મારું ક્યાં રહ્યું, તે તો તમારું થયું.

ન હતો તેને ધડકનથી પ્રેમ, છતા તે ધડકતુ રહ્યું,
હશે કાંઈક તો તમારામાં, ચાહતની અસરમાં રહ્યું.

તમે ગયાને એકલો રહ્યો, તે તારા સહવાસમાં રહ્યું,
શ્વાસે શ્વાસે એક વિશ્વાસમાં, તારું નામ જપતુ રહ્યું.

જીદગી ગઈ પણ એક આરઝૂ રહી, તે તરસતુ રહ્યું,
અમારી સાથે તે રહ્યું, પણ હંમેશા તે પરાયું જ રહ્યું.

સમજાવ્યું બહુ કે છોડ હવે, પણ તે બેકાબુ જ રહયું,
તારા કાજે જીવનભર, મારાથી બેવફાઈ કરતુ રહ્યું.