જીવી લીધું

તારી નજરના નશામાં ઝુંમી લીધું, ચાર કદમ સાથે ચાલી લીધું,
ફેરવી લીધી તે નજરને તો શું થયું, અમે એકલા પણ જીવી લીધું.

ક્ષણો જોડી ભૂતકાળમાં સરી લીધું ,મૃગજળ કિનારે જાતને છળી લીધું.
તમન્નાઓના શહેરમાં ફરી લીધું, એક આરઝૂના સહારે જીવી લીધું.

ના થઈ શક્યો ચાંદ તો શું થયું, સિતારો થઈને થોડું ચમકી લીધું,
ક્યાં હતો ઊચાઈનો ગર્વ મને, કર્યો કોઈએ યાદ તો ખરી લીધું.

મળ્યું જોઇતું તો ખુશીથી હસી લીધું, ના મળ્યું તો ચલાવી લીધું,
ગુમાવ્યું કાંઇક તો મુશ્કરાઈ લીધું, બસ આમ અમે થોડું જીવી લીધું.